الأحد، سبتمبر 13، 2009

صدفة واحلى صدفة ... :)

صدفة واحلى صدفة ... :)

في الاسبوع الماضي رحت البنك البريطاني اريد اقفل الحساب عندهم لاني اريد تحويل مرتبي منهم لبنك اخر ويحتاج ان اقفل واحضر شهادة ابراء ذمة من البنك البريطاني بس راح ارجع افتح فيه مرة ثانية المهم لانه ناسه حلوة واسلوبهم حلو

كان عدد الموجودين كبير ما ادري ليش يعني اليوم فيه ناس كثيرة على غير المعتاد كان رقمي 36 وشايف العداد واصل عند 23 ياربي كيف الوقت حيكون طويل... وانتظاري طويل ......قلت اشوف لي شي اسويه المهم فتحت اللابتوب وقعدت اطالع فيه وما عندي شي اسويه الا واحد يسالني فجاءة وبدون مقدامات اذا تكرمت حبيت استفسر منك اذا امكن قبل ما اطالع في الشخص الذوق اللي يسال بطريقة محترمة وحلوة ولا اشوف لي ملاك عربي ياربي عيونه حواجبه تقاطيع وجه لون بشرته سكسوكته وحلاقة ذقنه خشمه ( أنفه ) اوه اقول ايه ولا اخلي ايه ما فيه شئ ما حلو

كان يلبس ثوب خليجي ( مش خبرة حتى اعرف من اي بلد بالضبط ) لكن حطيت في بالي يا كويتي يا سعودي يا قطري واحد من الثلاثة المهم طالعت فيه لبرهة وقلت له اتفضل اي شئ

سالني عن جهازي كيف ادائه وهل انصحه بانه يشتري من نفس النوعية وطبعا سويت لي معه سوالف تحدث معه كثير حتى انو دوري راح علي ووصل الرقم لحد 41 وفجاءة سالني انت رقمك كم فطالعت فوق لقيت رقمي راح فقال اسف اني ازعجتك وبعدت رقمك لكن هذا رقمي فروح قدامي ومو مشكلة انا ما وراي شئ رايح البيت المهم شكرته لاني كنت اريد اخلص اليوم ورحت على كستمر سيرفيس وخلص معاملاتي ولمن خلصت دورت عليه ما لقيته وصراحة ندبت حظي اني ما سلته عن شئ مع انه ما كان يمكن اصلا اني اساله عن اي شئ من اول مرة وفقدت الامل اني القاه مرة ثانية

كنت في احدى الشركات وكان لدي عمل على انجازه في هذه الشركة وكنت اريد اخلص بسرع فرصة لاني تعب جدا جدا وما كان مني الا اشوف الملاك العربي مرة ثانية هذه المرة انا اللي توجهت اليه مباشرة وبدون تردد لكني وجدته مشغول فقت اخلص وارجع اليه مرة ثانية بعد ما انتهي بعد ما خالصت رحت على مكتبه ولقيته غير موجود سالت البنت الي بجواره عنه طبعا لقيته حاطي امام مكتبه اسمه كم سعدت لمن عرفت الاسم فسالت الشابة وين الاخ ( راح اعطيه اسم فيصل ) لانو كل اللي من السعودية اسمهم فيصل ....صرت اعصب لمن اعرف انه واحد اسمه فيصل ...!!!

لالالالا امزح طبعا ..........على فكرة صار عندي عشرة سعوديين اسمهم فيصل على المسنجر خخخ

المهم انتظرت اظنه كان في احد المكاتب طبعا لو حطيت كرتي امكن ما يعرف مين هذا الشخص اللي حط له كرت واذا قام باالاتصال بي فامكن لا يتعرف علي المهم انا حطيته في بالي خلاص وقلت في نفسي باي وسيلة لا زم اطلع مع هذا الملاك

بس يارب يطلع اللي في بالي ( في مثل يقول "حلم الجيعان عيش " ) خخخخ

المهم انتظرته فترة وبعد شوية حسيت انه راح يطول فسالت البنت عندك فكرة هو وين الان او هل راح ياخذ وقت طويل فبداءت معها ونسة وفي اثناء الونسة اطريت على العطر اللي تتعطر بيه وطبعا هو ريحته حلوة جدا فاخبرتها اني اشتم رائحة عطر جميل وسالتها عنه حسيت انها تنظرلي بنظرة كلها شرر لكنها جاوبتني وبعد هذا صار الحديث اكثر سلاسة من قبل وسالتها عن فيصل فاخبرتني ان فيصل منتدب في هذه الشركة وهو سعودي الجنسية وهو طيب القلب وبداءت احس في كلامها اعجاب كبير من قبل هذه البنت لهذا الملاك والله ملالالالالالالالالالالالالالالالالالالالالالالالالالاك

المهم جعلت البنت تحكي وتحكي عن تصرفاته وايش هي عادات هذا الشخص وفي نفسي كنت مستمتع كثير باني اعرف معلومات وان كانت بسيطة عن الشخص هذا اللي اسرني من اول نظرة واول ما سمعت صوته الحنون

سألت الشابة وين يسكن فعرفت انه يسكن بالقرب من المنطقة التي اسكن فيها وعرفت نوع سيارته واكتشفت ايضا ان البنت متابعة كل تحركاته حتى انها عارفة نوع العطر اللي يحطه وانه غير متزوج وعمره كم

( يلعن ابوووووووووووووهااااااا ده واقعة فيه خخخخ بس بعدك )

المهم مليت الانتظار وطلعت من الشركة في امل اني راح القاه بعد المعلومات الكثيرة الي اخذتها من البنت بس على امل اني القاه

هذا بالنسبة عن الملاك العربي ( صار عندي ملاك جديد يا حظي )

تذكرت حادثة اخرى في نفس الشركة كانت موظفة الاستقبال تطالع فيني بشدة حتى اني خجلت من نفسي واحسيت انها تشوف فيني عيبة وانا ما عارف المهم بعد فترة اتشجعت وسالتها انت مشبهة فيني قالت لا انا اعرفك بس انت اللي ما اخذت بالك سالتها والله ما اخذت بالي اعذريني فعرفتني بنفسها والله ما عرفتها بس جاملتها واخبرتها اني عرفتها وسالتها عن اهلها ولكنها لم تنزل عينها عني اعتقد والله اعلم انو مش من حلاتي بس امكن لاني اول مرة في حياتي البس بدلة كاملة ومش اية Trade Mark خخخخ ......

للملاقيف الليراح يسالون اريحكم من الحين ماركة البدلة Hugo Boss( ملحوظة فكرة اني اكتب تفاصيل اللبسمش مهمة )=

اهداها لي الملاك الاجنبي قبل سفره اه نسيت اخبركم انه عنده وصوله الى مطار القاهر اتصل علي طمني عليه وعلى تي جي والحمد لله لازلنا على اتصال والله يديم المعروووووووووووووف

هناك 5 تعليقات:

anagay يقول...

يا بختك !!!

ساره الجعفر يقول...

هههههه

ماكأنك تستعجل شوي

هالحين وش دراك اذا فيصل مثلي او لا

ترا التأني من السلامه

Junjou Romantica يقول...

ممممممم هاي غريب,
احلى صدفة والله:) يا محاسن الصدف -مادري قلتها صح و الا لا؟!-,
ان شاء الله تدوم المعرفة يا رب:).

ساره الجعفر يقول...

امممم
غريبوه
هو انت اللي ضايفني على نت لوج؟؟؟

غريب يقول...

anagay

تسلم بس قول ماشاء الله عن الحسد

=-=-=-=-=
ساره الجعفر

والله للحين ما دريت بس ايش خسران ولا شي

=-=-=-=-=

Junjou Romantica

لا صح بس كاني اسمعها في واحد من الكرتونات بس ما ادري بالضبط !!

=-=-=-=-=
ساره الجعفر

كان عندي واحد باسم غريب ومسحته بس سويت لي واحد ثاني باسم akhtarthayti
اذا هذا وتريدي تقبليه يزيدني شرف
واذا لا ما في اي مشكلة
اما الاول فما تقبلي لاني مسحته



تسلموووووووون على المرور العطر تحياتي