الأحد، أبريل 11، 2010

من مبارك للشعب المصري



ياشعبي حبيبي ياروحي يابيبي
ياحاطك في جيبي يابن الحلال


ياشعبي ي اشاطر ياجابر خواطر
ياساكن مقابر وصابر وعال


ياواكل سمومك يابايع هدومك
ياحامل همومك وشايل جبال


ياشعبي اللي نايم وسارح وهايم
وفي الفقر عايم وحاله ده حال


احبك محشش مفرفش مطنش
ودايخ مدروخ وآخر انسطال


احبك مكبّر دماغك مخدّر
ممشي امورك كده باتكال


واحب اللي ينصب واحب اللي يكدب
واحب اللي ينهب ويسرق تلال


واحب اللي شايف وعارف
وخايف وبالع لسانه وكاتم ماقال


واحب اللي قافل عيونه المغفل
واحب البهايم واحب البغال


واحب اللي راضي واحب اللي فاضي
واحب اللي عايز يربي العيال


واحب اللي يائس واحب اللي بائس
واحب اللي محبط وشايف محال


واحبك تسافر وتبعد تهاجر
وتبعت فلوسك دولار او ريال


واحبك تطبل تهلل تهبل
عشان مطش كوره وفيلم ومقال


واحبك تأيد تعضض تمجد
توافق تنافق وتلحس نعال


تحضر نشادر تجمع كوادر
تلمع تقمع تظبط مجال


لكن لو تفكر تخطط تقرر
تشغلي مخك وتفتح جدال


وتبدأ تشاكل وتعمل مشاكل
وتنكش مسائل وتسأل سؤال


وعايز تنور وعايز تطور
وتعمللي روحك مفرد رجال


ساعتها حجيبك لايمكن اسيبك
وراح تبقى عبره وتصبح مثال


حبهدل جنابك وأذل اللي جابك
وحيكون عذابك ده فوق الاحتمال


وامرمط سعادتك واهزأ سيادتك
واخلي كرامتك في حالة هزال


وتلبس قضيه وتصبح رزيه
وباقي حياتك تعيش في انعزال


حتقبل ححبك حترفض حزلك

حتطلع حتنزل حجيبلك جمااااال




شعر : أحمد فؤاد نجم

هناك 10 تعليقات:

mody-3loshi يقول...

غريب
ممكن افهم اية الى انت كاتبة دة؟؟؟؟؟؟؟؟؟؟؟؟؟!!!!!!!!!!!!!!!!!

غريب يقول...

شعر واحد اسمه احمد فؤاد نجم

عجبني فقلت انشره

ابن قرطاج يقول...

هههه روعة الصراحة ...
عجبني كثييير

نعيــ( الامير الصغير )ـــم يقول...

ما بلاش تقلب في المواجع يا غريب

http://www.youtube.com/watch?v=K1l5-x3QAwc

mody-3loshi يقول...

ما انا عارف غريب انة لاحمد فؤاد نجم بس بصراحة العنوان مع القصيدة حسيت فية بنوع من السخرية المقصودة

غريب يقول...

الشاعر بيسخر من حسني مبارك مش من الشعب المصري فهمت يا كتكوت

بعد ده اسم القصيدة مش انا للي سويته


وبعدين انا متاسف لو فهمت شئ اخر
لك العتبى حتى ترضى

mody-3loshi يقول...

اممممممممم غريب واضح انك فهمت غلط انا مش زعلان انا عارف القصيدة كويس و قرئتها قبل كدة انا بس بتناقش معاك مش اكتر انا مش كنت اقصد ان السخرية منك انت انا اقصد من احمد فؤاد واضح انى اتفهمت غلط

غريب يقول...

جميل جميل يا كتكوت (لو بدايقك كتكتوت ) بلاش منها

بس برضو كتكووووت

صحيح كلامك هي مقصود بيها السخرية من حسني مبارك


بعدين الراجل ده مش كفاية عليه ده من السبعينات على كرسي الحكم ده ما بيمل ابدا

دهية تاخدو وتاخذ اللي زيو

غير معرف يقول...

شو يعني سوفت عند المثلين ؟؟؟؟؟

انتظر ردك يا غريب....

غريب يقول...

اعتقد اني كتبت عنها في مدونتي من قبل لكن ما مشكلة

سوفت هي العلاقة السطحية

يعني بدون لف او دوران دون عملية ادخال العضو الذكري


ممكن تكون

مجرد قبل ( فرينش كيس)
لمس وتحسس الاخر
احضان ومداعبات
ماستربيشن ( عفوا ما بعرفها بالعربي شو اسمها )

عناق

والكثير من الاشياء اللي ترضي الطرفين وتكون في العادة حسب رغبت كل منهما


اتمنى اكون كدا بينت لك ما تريد